真心，本身對招財貓呢類嘢已經有啲審美疲勞。周街都係嗰啲金色、陶瓷、揮手嗰啲，見到都覺得老土。但最近喺網上見到呢款 Pixel Zipper 出嘅 Kouun Neko 50:50，第一眼覺得佢個樣幾「串」🤣🤣，好似幾有態度。

 

 

質感係真係有驚喜😮

講真，買盲盒最怕「圖騙」，即係官圖好靚，實物成陣廉價膠味。但呢隻貓攞上手，第一個反應係：「咦，幾重手喎！」，個個朋友都係呢個反應😂

佢 10cm 高，比一般細細隻嘅盲盒大粒啲。最正係佢嗰種「50:50」對稱設計，一邊係傳統招財貓嘅樣，另一邊加咗啲現代街頭元素。我抽到嗰隻白色「招福」，個霧面噴漆做得幾靚，冇乜溢色，係對得住個價錢嘅質素。

 

 

 

熄燈先係戲肉：竟然會發光？

呢套嘢最正嘅地方，係佢個 夜光效果。 我本身都冇留意，係有一晚熄晒燈準備瞓覺，望一望個櫃，發現有個影喺度發發下光，先醒起佢有夜光！夜晚食完飯熄少少燈睇場戲，見到排貓發光個Vibe勁正！

 

邊隻最易抽中？

佢成個系列 9 款，每隻抽到既機率都一樣，就係1/9。如果成盒有幾隻都想要，建議同朋友夾成盒買最抵，因為佢一盒９隻就齊哂咁多款。

值得入坑？

如果你係搵緊啲嘢擺喺電腦側邊，或者想送份禮物畀朋友（特別係啱啱搬屋或者轉工嗰啲），呢隻招財貓真係幾啱。佢唔似一般擺設咁悶，帶點 Art Toy 嘅感覺。

一字排開９隻其實好靚，朋友見到一定會問你係乜黎🤣（已經小篇親身證實

 

 

如果大家都想買隻返屋企，

👇👇👇👇👇👇👇可以係呢度買～👇👇👇👇👇👇👇

✨Kouun Neko ５０：５０✨